Թուրքական լավագույն բաժնետոմսերը դարձել են վատագույնն աշխարհում

Թուրքական բաժնետոմսերն աշխարհում լավագույնից արագորեն դարձել են վատագույնը։ Իսկ ազգային ֆոնդային ինդեքսը համաշխարհային ֆինանսական ճգնաժամից հետո գրանցել է տարվա ամենաթույլ սկիզբը: Գրում է Bloomberg-ը։

Borsa Istanbul 100 ինդեքսն ամսական նվազել է 9,7%-ով, ինչը 2008 թվականից ի վեր ամենավատ ցուցանիշն է հունվարի համար և ամենամեծ ամսական անկումը Covid–19 համաճարակի սկզբից ի վեր:

Անցյալ տարի ցուցանիշի գրեթե 200% աճից հետո քաղաքական անորոշությունը շահույթ ստանալու հիմնական գործոնն է եղել, քանի որ այս տարի սպասվում են նախագահական և խորհրդարանական ընտրություններ: Այստեղ նախագահ Ռեջեփ Թայիփ Էրդողանին սպասվում է ծանր պայքար, որը կարող է վտանգել նրա 20-ամյա իշխանությունը՝ ամենաերկարն է Թուրքիայի պատմության մեջ:

Էրդողանն ակնարկել է, որ ընտրությունները, որոնք ի սկզբանե նախատեսված էին հունիսի 18-ին, շրջադարձային կետ կլինեն շուկաների և օտարերկրյա ներդրողների համար:

Իսկ Թուրքիային սպասվում է ճգնաժամ, որը կարող է վատագույնը լինել վերջին տասնամյակների ընթացքում։ Պատճառը մոլեգնող գնաճի պայմաններն են, որը հասել է 85%-ի գագաթնակետին 2022 թվականին։