Ըստ Refinitiv-ի՝ սպասվում է,որ հոկտեմբեր-դեկտեմբեր ամիսներին ընկերության եկամուտները ավելացել է ընդամենը 1,7%-ով՝ հասնելով 7,84 մլրդ դոլարի, ինչը ամենացածրն է՝ 2002թ.-ից ի վեր։
Netflix Inc-ի գովազդի աջակցությամբ ծրագիրը փորձում է հաճախորդներին ներգրավել ԱՄՆ-ի գերբնակեցված շուկայում, ինչը կարող է ստիպել ընկերությանն այս տարի կրճատել բովանդակության ծախսերը:
Netflix-ը պայքարում է սպառողների ծախսերի կրճատման, բովանդակության արտադրության ֆինանսավորման ծախսերի աճի և Disney+-ի և Amazon Prime-ի մրցակցության աճի դեմ:
Ընկերությունը հույսեր ուներ գովազդի աջակցությամբ բաժանորդագրություններ ավելացնել, սակայն աճ չգրանցվեց:
Գովազդով աջակցվող ամսական 6,99 դոլար արժողությամբ պլանը հասանելի չէ բոլոր ֆիլմերին և ըստ շատ վերլուծաբանների՝ այնքան էլ էժան չէ ԱՄՆ-ում և Կանադայում զգալի թվով հաճախորդների ներգրավելու համար:
Այնուամենայնիվ, որոշ վերլուծաբաններ կարծում են, որ գովազդով աջակցվող ծրագիրը երկարաժամկետ հեռանկարում արդյունք կտա՝ հատկապես զարգացող շուկաներում, որտեղ գնողունակությունն ավելի թույլ է:
Սպասվում է, որ չորրորդ եռամսյակում ընկերությունը կավելացնի 4,5 միլիոն հետևորդ, ինչը 2014 թվականից ի վեր ամենացածր թիվն է: Մեկ տարի առաջ ընկերությունն ավելացրել է 8,3 միլիոն բաժանորդ։
Ֆինանսական տնօրեն Սփենսեր Նեյմանը հուլիսին հայտարարել էր, որ Netflix-ի ծախսերն առաջիկա երկու տարիների ընթացքում տարեկան կկազմեն մոտ 17 միլիարդ դոլար:
Բաժանորդագրվեք մեր ալիքին Telegram-ում
