Ռուսական «Сбербанк» ֆինանսական կոնգլոմերատը 2022 թվականին մոլորակի ամենաթանկ ապրանքանիշերի՝ Brand Finance Global 500 վարկանիշում, զբաղեցրել է 163-րդ տեղը։
Ռուսական ընկերությունն առաջ է անցել շվեյցարական Rolex ապրանքանիշից (191-րդ տեղ), ճապոնական Panasonic-ից (209-րդ), շվեդական Volvo-ից (239-րդ), ֆրանսիական Michelin-ից (277-րդ), ամերիկյան Xbox-ից (269-րդ):
«Բրենդի ուժի» առումով բրիտանական խորհրդատվական ընկերությունը ապրանքանիշի գնահատման ոլորտում ընկերությանը շնորհել է 16-րդ տեղը` աշխարհում և առաջինը` Ռուսաստանում։ Ցուցանիշը հաշվարկելիս հաշվի է առնվում շուկայավարման, սեփական կապիտալի և բիզնեսի արդյունավետության մեջ ներդրումների գնահատումը:
Brand Finance Global 500-ում «Сбербанк»-ին շնորհվել է AAA+ աստիճան, ինչը նշանակում է ամենաբարձր վարկային վարկանիշ։
Ըստ Brand Finance-ի հաշվետվության՝ ռուսական բանկը բարձր ֆինանսական արդյունքներ է ցույց տալիս, բարելավում է իր ապրանքներն ու ծառայությունները և պահպանում հաճախորդների վստահությունը, ինչը թույլ է տալիս նրան մնալ ամենաթանկ համաշխարհային բրենդների շարքում:
Բաժանորդագրվեք մեր ալիքին Telegram-ում
