ԱՄՆ նախկին նախագահ Դոնալդ Թրամփը մտադիր է 2024 թվականի նախագահական ընտրություններից առաջ վերականգնել իր Twitter-ի և Facebook-ի սոցիալական ցանցերի էջերը։ Այս մասին հայտնում է NBC News-ը՝ հղում կատարելով առկա փաստաթղթերին։
Պարբերականի տեղեկություններով ՝ Թրամփն արդեն համապատասխան հայտ է ներկայացրել Facebook-ի էջն ապաարգելափակելու համար, որում շեշտը դրել է խոսքի ազատության կարևորության վրա։
«Մենք կարծում ենք, որ նախագահ Թրամփի Facebook-ի օգտահաշվի արգելքը կտրուկ խեղաթյուրել և արգելակել է հանրային դիսկուրսը», – ասվում է Թրամփի շտաբի Մետային ուղղված նամակում:
Ընկերությունում չեն մեկնաբանել Թրամփի հայտարարությունը ՝ նշելով, որ Meta-ն որոշման մասին կհայտարարի առաջիկա շաբաթներին ՝ սահմանված գործընթացին համապատասխան։
Ավելի վաղ Finanial Times-ը գրել էր, որ սոցիալական ցանցերում Թրամփի էջերի վերադարձով կզբաղվի հատուկ աշխատանքային խումբ։
Բաժանորդագրվեք մեր ալիքին Telegram-ում
