Բահրեյնում գտնվող Investcorp ներդրումային ընկերությունը մտադիր է առաջիկա հինգ տարիների ընթացքում մինչև 1 միլիարդ դոլար ներդնել Պարսից ծոցի համագործակցության խորհրդի երկրներում: Առաջին հերթին ներդրումները ուղղվելու են Սաուդյան Արաբիայի լոգիստիկ հատվածին։
Investcorp-ի տնօրեններից մեկի՝ Հազեմ բեն Ղասեմի կարծիքով Սաուդյան Արաբիայում լոգիստիկ ոլորտը և արդյունաբերությունը աճի հսկայական ներուժ ունեն, և կարող են թագավորությունը դարձնել առաջատար արդյունաբերական ուժ և համաշխարհային լոգիստիկ կենտրոն:
Նախկինում ընկերությունն 1 մլն դոլարով արդեն ձեռք է բերել գրեթե 20 հազար քառակուսի մետր տարածքով պահեստ Սաուդյան Դամամ քաղաքում։
Բահրեյնյան ընկերության ընդհանուր ներդրումներն ամբողջ աշխարհում պահեստային լոգիստիկայի ոլորտում արդեն գերազանցել են 4 միլիարդ դոլարը, այս միջոցներով Investcorp-ը ձեռք է բերել գրեթե 4 միլիոն քառակուսի մետր արդյունաբերական տարածքներ։
Բաժանորդագրվեք մեր ալիքին Telegram-ում
