Xiaomi-ի առաջին էլեկտրական մեքենան նկատվել է Չինաստանի ճանապարհներին

1 Min Read

Xiaomi-ի ենթադրաբար առաջին էլեկտրական մեքենայի լուսանկարները համացանցում են հայտնվել Չինաստանի ճանապարհներին փորձարկվելուց հետո: Այս մասին հայտնում է Cnevpost պորտալը։

Հրապարակված լուսանկարներում հնարավոր չէ տեսնել նախատիպի դիզայնը, սակայն կտուրին և թաքցնող ծածկույթի տակ կարելի է տեսնել լիդարը և մեծ թվով սենսորներ, որոնք օգնում են Xiaomi Pilot ինքնավար վարման համակարգին:

Ըստ լուրերի՝ Xiaomi-ն այժմ աշխատում է երկու էլեկտրական մեքենայի վրա։ Ավելի էժան մոդելը կդիտարկվի որպես Tesla Model 3-ի մրցակից, որի գինը կկազմի 260-ից 300 հազար յուան, մինչդեռ Xiaomi էլեկտրական մեքենայի երկրորդ տարբերակը կառաջարկվի 350 հազար յուանով:

Սպասվում է, որ Xiaomi էլեկտրական մեքենայի ամբողջական շնորհանդեսը տեղի կունենա մինչև 2023 թվականի վերջ, իսկ զանգվածային արտադրության մեջ կմտնի 2024 թվականի առաջին եռամսյակում։

Share This Article
2 Comments