Իռլանդիայի տվյալների պաշտպանության հանձնաժողովը տուգանել է ամերիկյան Meta ընկերությանը 390 միլիոն եվրոյով (413 միլիոն դոլար)՝ Facebook-ում և Instagram-ում տվյալների գաղտնիության կանոնների խախտման համար:
Հանձնաժողովի չորեքշաբթի օրը տարածած հայտարարության մեջ ասվում է, որ վերոնշյալ հարթակները պետք է վերանայեն իրենց իրավական մոտեցումը գովազդի նկատմամբ՝ հիմնվելով Եվրամիությունում անձնական տվյալների պաշտպանության օրենքների վրա:
Ինչպես ընդգծել է Reuters-ը, այժմ Իռլանդիայում Meta-ի նկատմամբ կիրառված տուգանքների ընդհանուր գումարը կազմում է 1,3 միլիարդ եվրո (1,38 միլիարդ դոլար):
Ներկայումս իռլանդական կարգավորիչը շարունակում է զբաղվել ամերիկյան կորպորացիայի ծառայությունների հետ կապված ևս 11 գործով։
Բաժանորդագրվեք մեր ալիքին Telegram-ում
