Աշխարհում տեղի ունեցող զարգացումները, անշուշտ, իրենց ազդեցությունն են ունենում յուրաքանչյուր մարդու վրա: Հասարակության բազմաթիվ շերտեր այդ ազդեցությունները կլանում են տարբեր կերպով: Հատկապես, իրենց լավ են զգում աշխարհի միլիարդատերերը և նրանց հետևում կանգնած մարդիկ, որոնք կառավարում են այս աշխարհը:
Սակայն, այդ կառավարումը չափազանց բացասաբար է անդրադառնում մարդկության կյանքի վրա: Դրա վառ օրինակն է Ուկրաինան, որտեղ հոսում են միլիարդավոր դոլարներ, սակայն որևէ մեկը չի հասկանում դրանք ինչպես են ծախսվում: Սակայն վստահ եղեք, որ ռուս-ուկրաինական հակամարտությունում, որն ավելի է աշխարհը մոտեցնում համաշխարհային պատերազմին, բազմաթիվ մարդիկ հսկայական գումարներ կաշխատեն: շ
Չենք ասում, որ բոլոր միլիարդատերերն են իրենց հարստությունը դիզել նման արյունալի իրավիճակներում: Կան միլիարդատերեր, որոնք հիմք են դրել ներկայիս աշխարհի առաջխաղացման համար, նպաստել են միլիոնավոր մարդկանց կենսամակարդակի բարձրացմանը: Այդուհանդերձ այս համատեղ ճիգերը դեռևս արդարացված չեն, քանի որ եկամուտների բաշխվածությունը աշխարհով մեկ խիստ անհավասարաչափ է, որը հանգեցնում է բազում հումանիտար աղետների: Աշխահի հարոստների ամենամեծ կենտրոնացումը ԱՄՆ-ում է, իսկ երկրորդը՝ Չինաստանն է: Նկատենք, որ ԱՄՆ-ի միլիարդատերերի զգալի մասը պատկանում է տեխնոլոգիական ոլորտին: Այս ամենով հանդերձ հետաքրքիր է հասկանալ քանի միլիարդատեր է ապրում 8 մլրդ-ի հասնող բնակչություն ունեցող Երկիր մոլորակում և ինչ ունեցվածք ունեն նրանք.
Գծապատկեր 1. Միլիարդատերերի քանակը և ունեցվածքը 2022թ․-ի նոյեմբերի դրությամբ
Պարզվում է՝ աշխարհում բնակվում է 3000 միլիարդատեր, ովքեր կազմում են աշխարհի բնակչության 0.00004%-ը: Վերջիններս ակումուլացրել են $11.8 տրիլիոն ունեցվածք, որը կազմում է համաշխարհային ՀՆԱ-ի 11.8%-ը:
Աշխարհի առաջին 5 ամենահարուստ մարդկանց և իրենց մաքուր ունեցվածքին անդրադառնանք ստորև բերված գծապատկերում.
Գծապատկեր 2. Աշխարհի ամենահարուստ 5 մարդկանց մաքուր ունեցվածքը 2022թ․-ի նոյեմբերի վերջի դրությամբ
Առաջին հորիզոնականում է ԱՄՆ քաղաքացի և գործարար Իլոն Մասկը, որի մաքուր ունեցվածքը կազմում է $191.2 մլրդ:
Երկրորդ հորիզոնականում է ֆրանսիացի Բերնար Առնոն՝ Louis Vuitton Moët Hennessy ընկերության ղեկավարը, որի մաքուր ունեցվածքը կազմում է $179.5 մլրդ:
Այս ցուցակը եզրափակում է չինացի Չժուն Շանշանը՝ $66.7 մլրդ: Վերջինս գործունեություն է ծավալում դեղագործության ոլորտում: