Հայաստանի, Վրաստանի  և Տաջիկստանի արժույթները ամրապնդել են իրենց դիրքերը

Ըստ Bloomberg-ի վերլուծաբանների՝ ռուսների զանգվածային տեղափոխությունը Հայաստան, Վրաստան և Տաջիկստան օգնել է այս երկրների արժույթներին դառնալ առաջատարներ դոլարի նկատմամբ՝ 2022 թվականին ամրապնդման հարցում։ Տասնյակ հազարավոր ռուսներ, ովքեր վերաբնակեցվել են, իրենց հետ բերել են միլիարդավոր դոլարներին համարժեք խնայողություններ, ինչը խթանել է ազգային արժույթների աճը ։

Գործակալության գնահատականներով՝ տարեսկզբից հայկական դրամը դոլարի նկատմամբ արժևորվել է ավելի քան 22%-ով, ինչը ամենաբարձր ցուցանիշն է համաշխարհային բոլոր արժույթների մեջ։

Վրացական լարին և տաջիկական սոմոնին արժևորվել են համապատասխանաբար ավելի քան 16%-ով և 10%-ով՝ գերազանցելով ռուսական ռուբլու ցուցանիշը (գործակալության տվյալներով՝ այն այլևս չի կարող համարվել ազատ փոխարկելի արժույթ՝ Կենտրոնական բանկի կողմից սահմանված սահմանափակումների պատճառով)։

Վրաստանի Ազգային բանկի տվյալներով՝ Ռուսաստանից դեպի երկիր դրամական փոխանցումներն աճել են հինգ անգամ՝ կազմելով ավելի քան 1,75 մլրդ դոլար, այս տարվա առաջին տասը ամիսներին Հայաստան փոխանցումները կազմել են 2,8 մլրդ դոլար, ինչը գրեթե 4 անգամ ավելի է, քան նախորդ տարվա նույն ժամանակահատվածում։ Այս մասին  հաղորդել է ՀՀ կենտրոնական բանկը։

Տաջիկստանում առաջին կիսամյակում տրանսֆերտների աճը կազմել է առնվազն 50%, ասել է BCS Financial Group-ի փորձագետ Նատալյա Լավրովան՝ վկայակոչելով պաշտոնական տվյալները։

Այս ֆոնին Արժույթի միջազգային հիմնադրամը 2022 թվականի վերջում վրացական տնտեսության աճի կանխատեսումը բարձրացրել է մինչև 10%։

Հայաստանի Կենտրոնական բանկը ռուսաստանցիների հոսքի ֆոնին ՀՆԱ-ի աճի կանխատեսումը 4,9%-ից բարձրացրել է 12,9%-ի։ Սպասվում է, որ Տաջիկստանի տնտեսությունը այս տարի կաճի 7%-ով՝ նախկինում կանխատեսված 4-5%-ի փոխարեն ։