ԵՄ երկրների էներգետիկայի նախարարները համաձայնեցրել են գազի գնի սահմանաչափի մակարդակը՝ որպես շուկայի շտկման մեխանիզմի մաս․ հայտարարել է Մալթայի էներգետիկայի նախարարության ղեկավար Միրիամ Դալին։
Նախարարը հավելել է, որ կողմերը նաև պայմանավորվել են հնարավորության դեպքում գործարկել շուկայի շտկման մեխանիզմ։
![](https://banksnews.am/wp-content/uploads/2024/05/converse-970x250-c360.webp)
ԵՄ Խորհրդի հաղորդագրության համաձայն՝ փետրվարի 15-ից ուժի մեջ կմտնի TTF գազի գնի սահմանաչափով շուկայի շտկման ժամանակավոր մեխանիզմը։ Այն կգործարկվի TTF-ի ամսական ֆյուչերսներով՝ 1 ՄՎտ/ժ-ի համար 180 եվրոյից բարձր և 35 եվրոյից բարձր LNG-ի տարածմամբ: Շուկայական շտկման ժամանակավոր մեխանիզմը կկիրառվի ԵՄ-ում գազի առևտրի բոլոր վիրտուալ հարթակների վրա:
Գների սահմանաչափով գազի շուկայի ժամանակավոր շտկման մեխանիզմի ստեղծման մասին ԵՄ կանոնակարգը վերջնականապես կհաստատվի երկրների կողմից գրավոր ընթացակարգով։
Հունգարիայի արտաքին գործերի նախարար Պետեր Սիյարտոն հայտնել է սակայն, որ ԵՄ ինը անդամներ, այդ թվում՝ Բուդապեշտը և Բեռլինը, դեմ են քվեարկել այդ միջոցառմանը:
Երբ մեխանիզմը գործի, 275 եվրոյից բարձր գնով գործարքներ չեն իրականացվի։Այնուամենայնիվ, սա շատ բարձր մակարդակ է. TTF ամսական ֆյուչերսների հաշվարկային գինը այս տարվա օգոստոսին ընդամենը մի քանի օրով գերազանցել է 275 եվրոն կենտրոնի ողջ պատմության ընթացքում:
ԵՄ էներգետիկայի նախարարներն արդեն քննարկել էին ԵՀ առաջարկը նոյեմբերին, սակայն խիստ անհամաձայնություն ունեին սահմանաչափի մակարդակի վերաբերյալ:
Եվրահանձնաժողովի առաջարկության մեջ արդեն մի քանի փոփոխություն է կատարվել, մասնավորապես, Չեխիան առաջարկել է նվազեցնել սահմանաչափը մինչև 220 եվրո, իսկ LNG-ի նկատմամբ տարածումը մինչև 35 եվրո, սակայն այս առաջարկը նույնպես կոնսենսուս չի գտել։
Վլադիմիր Պուտինը, մեկնաբանելով ռուսական էներգառեսուրսների գները սահմանափակելու Արևմուտքի գաղափարը, ասել է, որ Մոսկվան արտասահման ոչինչ չի մատակարարի, եթե դա հակասի իր շահերին։
Բաժանորդագրվեք մեր ալիքին Telegram-ում