Չինաստանը մշակում է ավելի քան 1 տրիլիոն յուան (143 միլիարդ դոլար) աջակցության փաթեթ իր կիսահաղորդչային արդյունաբերության համար, ինչը մեծ քայլ է դեպի ինքնաբավություն՝ չիպերի արտադրության մեջ: Այսպիսով, Չինաստանը փորձում է նաև հակազդել տեխնոլոգիական առաջընթացը դանդաղեցնելու ԱՄՆ քայլերին:
Պեկինը պլանավորում է ներդնել երբևէ եղած հարկային խթանման ամենամեծ փաթեթներից մեկը, որը բաշխված է 5 տարվա գրաֆիկով, միտված է աջակցելու հիմնականում սուբսիդիաների և հարկային վարկերի տեսքով ներքին կիսահաղորդիչների արտադրությանՆ ու հետազոտական գործունեությանը:
Պլանը կարող է կյանքի կոչվել արդեն հաջորդ տարվա առաջին եռամսյակում։
ԱՄՆ-ի պատժամիջոցները ստիպել են օտարերկրյա խոշոր չիպային սարքավորումների մատակարարումները դադարեցնել դեպի չիպային հիմնական արտադրողներին և լաբորատորիաներին ՝ այդ թվում՝ Yangtze memory Technologies Co-ին (YMTC) և SMIC-ին:
Չինաստանը երկար ժամանակ ետ էր մնում չիպերի արտադրության սարքավորումների ոլորտում, որտեղ դեռ գերակշռում են ԱՄՆ-ում, Ճապոնիայում և Նիդերլանդներում գործող ընկերությունները:
Այստեղ որոշ տեղական ընկերություններ ի հայտ են եկել վերջին 20 տարիների ընթացքում:
Shanghai Micro Electronics Equipment Group Co Ltd (SMEE)-ն միակ լիտոգրաֆիկ ընկերությունն է Չինաստանում, որ կարող է արտադրել 90 նմ չիպեր՝ զիջելով միայն նիդերլանդական ASML ընկերությանը, որը չիպեր է արտադրում 3 նմ ճշգրտությամբ:
Բաժանորդագրվեք մեր ալիքին Telegram-ում
