Ռուսական բյուջեի հավելուրդը (եկամուտների գերազանցումը ծախսերի համեմատ) նոյեմբերին ավելի քան քառապատկվել է՝ չնայած ուկրաինական պատերազմից ստացված ֆինանսական կորուստներին։ Սա հիմնականում «Գազպրոմ» ՓԲԸ-ի վճարած շահաբաժինների և եկամտահարկի շնորհիվ է:
Ֆինանսների նախարարությունը հաղորդել է, որ բյուջեի հավելուրդը տարվա առաջին 11 ամիսներին հասել է 557 միլիարդ ռուբլու (9 միլիարդ դոլար)՝ հունվար-հոկտեմբերին գրանցված 128,4 միլիարդ ռուբլու դիմաց:
Պետական ֆինանսների վրա ճնշումը մեծանում է, քանի որ կառավարությունը աջակցում է տնտեսությանը անկման ժամանակ և ավելի շատ միջոցներ է հատկացնում ռազմական կարիքները հոգալու համար:
Ֆինանսների նախարարությունը, որը կանխատեսում էր ամբողջ տարվա բյուջեի դեֆիցիտ՝ համախառն ներքին արդյունքի 0,9%-ի չափով, այժմ ակնկալում է, որ դեֆիցիտը կհասնի 2%-ի, քանի որ եկամուտները նվազում են և ռազմական ծախսերը մեծանում են:
Սակայն նավթից ու գազից եկամուտներն աճում են, և առաջին 11 ամիսների ընթացքում դրանք արդեն գերազանցել են ամբողջ տարվա պլանը։
Մինչ այժմ կառավարությունը կարողացել է առանց ավելորդ դժվարությունների բավարարել իր ֆինանսավորման կարիքները՝ օգտագործելով իր հարստության հիմնադրամը և մեծացնելով փոխառությունները ներքին շուկայում։
Բաժանորդագրվեք մեր ալիքին Telegram-ում
