Չեխական Skoda Auto ավտոարտադրողը, որը պատկանում է Volkswagen Group-ին, դիտարկում է Չինաստանից դուրս գալու հարցը։ Գործադիր տնօրեն Կլաուս Զելմերն հայտնել է, որ վերջնական որոշումը հայտնի կլինի հաջորդ տարի:
Ըստ Զելեմերի՝ չինական շուկայում մրցակցությունը շատ բարձր է, ուստի իրենք՝ Չինաստանի իրենց համատեղ ձեռնարկության գործընկերոջ հետ կդիտարկեն շարունակելու տարբերակները։
«Մենք ցանկանում ենք փորձարկել բոլոր սցենարները, հետո որոշում կայացնել», – նշել է Զելմերը։
Գործադիր տնօրենն ասել է, որ ընկերությունը կարող է դիտարկել մեքենաները Չինաստանում պարզապես վաճառելու տարբերակը՝ առանց տեղում արտադրելու:
Զելմերը հավելել է , որ առայժմ Skoda-ն ցանկանում է ավելի շատ կենտրոնանալ Հնդկաստանի վրա։
Volkswagen-ի ներկայացուցիչը մեկնաբանել է, որ Skoda-ի համար նորմալ բիզնես ընթացակարգ է՝ շարունակաբար վերանայել իր դիրքերը միջազգային շուկաներում և հարմարեցնել այն տեղական զարգացումներին:
Բաժանորդագրվեք մեր ալիքին Telegram-ում
