ԱՄՆ-ին տնտեսական անկում է սպասվում

Ամերիկացի հայտնի ներդրող Ջիմ Ռոջերսը կանխատեսել է, որ առաջիկա մեկ-երկու տարում ԱՄՆ-ին ռեցեսիա է սպասվում։

Ռոջերսն աշխարհի ամենահայտնի ներդրողներից է, Quantum ներդրումային հիմնադրամի համահիմնադիրը, որը նա ստեղծել է միլիարդատեր Ջորջ Սորոսի հետ։

Ռոջերսը ներդրումների վերաբերյալ մի շարք գրքերի հեղինակ է։ Նրա անունով է կոչվում Rogers International Commodity Index-ը (RICI):«Մոտակա մեկ-երկու տարվա ընթացքում մենք կրկին անկում կունենանք, և դա կլինի շատ, շատ վատ»,- ասել է նա։

Ինչպես պարզաբանել է Ռոջերսը, տնտեսության մեջ առկա խնդիրները կապված են լինելու ամբողջ աշխարհում կուտակված պարտքի զգալի աճի հետ, ինչը պետք է անհանգստության առիթ լինի։