Համակարգիչների համաշխարհային առաքումները 2023 թվականին կհասնեն 84,6 միլիոն միավորի, ինչը 2,1 %-ով պակաս կլինի 2022 թվականի արդյունքից։ Այս մասին հայտնում է թայվանական DigiTimes Research վերլուծական գործակալությունը։
Վերլուծաբանները կարծում են, որ 2023 թվականին համակարգիչների շուկան գրեթե ամբողջությամբ կվերականգնվի 2020-2021 թվականներին թռիչքից և 2022 թվականի կտրուկ անկումից հետո: Ավելին, շուկան, ամենայն հավանականությամբ, կրկին դրական դինամիկա ցույց կտա:
Նշվում է, որ 2022 թվականին կվաճառվի 86,4 մլն համակարգիչ, ինչը 10,9 %-ով պակաս է, քան 2019 թվականի «նախաքովիդյան» ժամանակահատվածում էր։
Համաձայն DigiTimes Research-ի տվյալների՝ 2022 թվականին շուկայի վրա ամենաբացասական ազդեցությունը թողած գործոնները եղել են՝ Ուկրաինայի պատերազմը, որը խաթարել է բազմաթիվ լոգիստիկ գործընթացներ, ինչպես նաև Չինաստանում շարունակվող լոքդաունները՝ COVID-19-ի պատճառով:
Բաժանորդագրվեք մեր ալիքին Telegram-ում
