Մինչև 2022 թվականի ավարտը Apple-ը կթողարկի iOS 16.2-ը, որում կներդրվի Advanced Data Protection ֆունկցիան, որը թույլ կտա օգտատերերին ֆայլեր ուղարկել iCloud՝ կոդավորված տեսքով։ Այսպիսով, կոդավորված ֆայլերը կբացվեն միայն օգտատերերի սարքերում՝ չարագործներն ու Apple – ի աշխատակիցները, որոնք մուտք ունեն ուրիշի iCloud, չեն կարողանա դրանք վերարտադրել:
Ինչպես նշում է The Washington Post-ը, Հետաքննությունների դաշնային բյուրոն (ՀԴԲ) չափազանց անհանգստացած է Apple-ի նորարարությամբ։ Բյուրոն կարծում է, որ տվյալների առաջադեմ պաշտպանությունը կխոչընդոտի հանցագործներին արդյունավետ հակազդեցությանը:
«Դա կխոչընդոտի ամերիկացի ժողովրդին հանցավոր գործողություններից պաշտպանելու մեր աշխատանքին՝ սկսած կիբերհարձակումներից և երեխաների նկատմամբ դաժան գործողություններից մինչև թմրանյութերի ապօրինի շրջանառություն, կազմակերպված հանցավորություն և ահաբեկչություն», – հայտարարել է ՀԴԲ-ն:
Գերատեսչությունում պահանջել են, որ հատուկ ծառայությունների աշխատակիցներին «օրինական հասանելիություն» տան օգտատերերի սարքերին։
The Washington Post-ում նշել են, որ անվտանգության գործառույթն Apple-ի համար մարքեթինգային գլխավոր գործիքներից մեկն է. որքան այդ առումով ամերիկյան կորպորացիային են մոտենում մրցակիցները, այնքան ավելի լուրջ նորամուծություններ է ներկայացնում Apple-ը:
Ամերիկացի լրագրողների կարծիքով՝ 2022 թվականին տվյալների ընդլայնված պաշտպանությունը կաշխատի միայն iPhone-ի ամերիկյան օգտատերերի համար։ Այլ երկրներում գործառույթը կհայտնվի ավելի ուշ․ Apple-ում չեն բացառում, որ ամբողջ աշխարհում Advanced Data Protection-ը չի հասցնի տարածվել նույնիսկ 2023 թվականի վերջին:
Բաժանորդագրվեք մեր ալիքին Telegram-ում
