ՀՀ կառավարությունը հանրապետության 8 մարզերի 16 բնակավայրում 25 սուբվենցիոն ծրագրերի ֆինանսավորման համար տրադրել է 1 մլրդ 272 մլն դրամ գումար։Սուբվենցիոն ծրագրերի իրականացման համար գումարը հատկացվել է Արագածոտնի, Արարատի, Արմավիրի, Գեղարքունիքի, Կոտայքի, Շիրակի, Սյունիքի և Վայոց ձորի մարզպետարաններին:
16 համայնքներից օրենսդրությամբ սահմանված կարգով անցկացվել է 25 ծրագրերի գնումների գործընթացը և մրցույթների արդյունքների վերաբերյալ ներկայացվել են համապատասխան արձանագրություններ: Նշված ծրագրերի շինարարական աշխատանքների և գույքի ձեռքբերման գործընթացներն ավարտվել են և անհրաժեշտություն է առաջացել պետբյուջեից ֆինանսավորման:
Այս որոշմամբ սուբվենցիոն ծրագրերում Կառավարության մասնաբաժինը Կառավարություն-համայնք ընդհանուր 27 մլրդ դրամ գումարից կազմում է մոտ 14․5 մլրդ դրամ։
Հարցը դեկտեմբերի 8-ի հերթական նիստում զեկուցել է ՀՀ ՏԿԵ նախարար Գնել Սանոսյանը։
