Դեկտեմբերի 14-ին Թուրքմենբաշիում (Թուրքմենստանի արևմուտքում գտնվող քաղաք) Թուրքիա-Թուրքմենստան-Ադրբեջան ձևաչափով կայանալիք եռակողմ գագաթնաժողովը կարևոր դեր կխաղա Կենտրոնական Ասիայից Եվրոպա էներգառեսուրսների մատակարարման միջանցքի ստեղծման գործում։ Այս մասին հայտարարել է Թուրքիայի նախագահի պաշտոնական ներկայացուցիչ Իբրահիմ Քալինը։
«Թյուրքական աշխարհի և Կենտրոնական Ասիայի նշանակությունը էներգետիկ և պարենային ճգնաժամերի լույսի ներքո միայն կաճի, քանի որ համաշխարհային էներգետիկ ռեսուրսների զգալի ծավալները գտնվում են թյուրքական աշխարհի աշխարհագրության մեջ: Էներգետիկ միջանցքը մենք ենք: Ստեղծումը վճռորոշ դեր կխաղա Եվրոպա բնական գազի մատակարարման գործում այժմ միայն Ադրբեջանից, իսկ ապագայում ՝Թուրքմենստանից և Ղազախստանից էներգառեսուրսները համաշխարհային շուկաներ տեղափոխելու հարցում»,- ասել է Քալինը։
Եռակողմ գագաթնաժողովը նախատեսված է դեկտեմբերի 14-ին Ավազա ազգային զբոսաշրջային գոտում։ Դրան կնախորդեն երեք երկրների արտաքին գործերի, տրանսպորտի և էներգետիկայի նախարարների բանակցությունները։
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր, որ գագաթնաժողովում նախատեսում է քննարկել երկրում դեպի Եվրոպա բնական գազի մատակարարման համար գազի հանգույցի ստեղծման հարցը։
Նման հարց քննարկվել է նաև հոկտեմբերի 13-ին Աստանայում Պուտինի և Էրդողանի հանդիպմանը՝ Ասիայում փոխգործակցության և վստահության միջոցների ամրապնդման համաժողովի շրջանակներում։
Բաժանորդագրվեք մեր ալիքին Telegram-ում
