Վերջին ժամանակներում շատ են խոսում բլոկչեյն տեխնոլոգիաների մասին, սակայն հասարակության շրջանում հստակ պատկերացում չկա՝ ինչ են իրենցից ներկայացնում դրանք։ Եթե փորձենք բացատրել պարզ բառերով, ապա բլոկչեյնը տվյալների բաշխված բազա է, որի պատճենը գտնվում է միաժամանակ բոլոր մասնակիցների մոտ։ Այդ բազաներն ունեն թվայնացման նախօրոք որոշված մեխանիզմ և տվյալների կապվածություն։ Բազան բաղկացած է տվյալների բազմաթիվ բլոկներից, որոնք ձևավորում են շղթաներ։ Ընդհանուր առմամբ բլոկչեյն հենց նշանակում է` բլոկների շղթա։
Այս տեխնոլոգիան առաջին անգամ կիրառվել է 2008 թ․-ին՝ բիթքոյնի ստեղծման ժամանակ, և շատ հաճախ ասոցացվում է հենց վերջինիս հետ, սակայն իրականում այն ավելի լայն հնարավորություններ ունի և կարող է օգտագործվել ոչ միայն ֆինանսական, այլ նաև այլ ոլորտներում։
Հետազոտողները նշում են, որ գործարարների և թոփ մենեջերների 76 %-ի համոզմամբ, մոտակա 5-10 տարվա ընթացքում բլոկչեյնը կարողանալու է փոխարինել գործարար ոլորտներում հնացած տեխնոլոգիաներին։ Բժշկությունը ևս բացառություն չէ։ Իհարկե, այս ոլորտում բլոկչեյն տեխնոլոգիաների ներդրումը ընթանում է ավելի դանդաղ, քան բանկային ոլորտում, օրինակ, փոխանցումների կամ անհատների նույնականացման գործառույթների համար, սակայն բժշկության մեջ այս տեխնոլոգիաների կիրառությունը մեծ ապագա ունի։ Բլոկչեյն տեխնոլոգիաները կարելի է օգտագործել բժշկական տվյալների պահպանման և դրանց հետագա օգտագործման, ինչպես նաև հիվանդների ախտորոշման վերահսկման, հեռավար բժշկության համար, բժշկական հետազոտություններում և դեղամիջոցների տարածման վերահսկման մեջ։
2021 թ․ բլոկչեյն նախագծերի շուկան բժշկությունում կազմել է 531 մլն դոլար, սակայն փորձագետները պնդում են, որ արդեն 20 տարի անց այդ շուկայի ծավալներն աճելու են ավելի քան 10 անգամ և կազմելու են մոտ 16,3 մլրդ դոլար։
Բաժանորդագրվեք մեր ալիքին Telegram-ում
Wow, marvelous blog layout! How lengthy have you been running a blog
for? you make blogging glance easy. The total glance of your site is fantastic, let alone the content material!
You can see similar: najlepszy sklep and here sklep online