Ճապոնացի գիտնականները ձյունից էլեկտրաէներգիա ստանալու նոր տեխնոլոգիա են փորձարկում։ Այս մասին հայտնում է Nikkei Asia-ն։
Գիտափորձը մեկնարկել է Աոմորի քաղաքում: Այն կտևի 2022 թվականի դեկտեմբերից մինչև 2023 թվականի գարուն: Գիտնականները կօգտագործեն հատուկ ջրանիվներ (տուրբիններ), որոնք կտեղադրվեն լողավազանի նման տարայի մեջ, որը պարբերաբար լցվելու է ձյունով։
Արևի կողմից տաքացվող օդի և լողավազանի ներքին սառնության պատճառով կստեղծվի ջերմաստիճանի տարբերություն: Դա կհանգեցնի նրան, որ տուրբինի ներսում հայտնվի կոնվեկցիոն հոսանք, որն էլ հենց կստիպի դրան պտտվել և այդպիսով էլեկտրաէներգիա արտադրել:
Մշակումը կօգնի պայքարել էներգետիկ ճգնաժամի դեմ, քանի որ «ձյունե» էլեկտրաէներգիայի արտադրությունը շատ ավելի էներգաարդյունավետ է և ավելի քիչ ազդեցություն ունի շրջակա միջավայրի վրա:
Փորձի համար հատուկ ձյան էլեկտրակայան է ստեղծվել Forte-ի կողմից՝ Տոկիոյի Էլեկտրական հաղորդակցության համալսարանի հետ համագործակցությամբ։