ՀՀ ֆինանսների նախարարի տեղակալ Արման Պողոսյանը ԱԺ տնտեսական հարցերի մշտական հանձնաժողովի այսօրվա նիստում երկրորդ ընթերցմամբ քննարկման է ներկայացրել «Հայաստանի Հանրապետության հարկային օրենսգրքում լրացումներ և փոփոխություններ կատարելու մասին» և «Կազմակերպությունների և անհատ ձեռնարկատերերի կողմից ներմուծվող՝ ակցիզային հարկով հարկման ոչ ենթակա այն ապրանքների ցանկը հաստատելու մասին, որոնց ներմուծումն ազատված է ավելացված արժեքի հարկից» Հայաստանի Հանրապետության օրենքում լրացումներ և փոփոխություններ կատարելու մասին» օրենքների նախագծերի փաթեթը:
Նախագծերով առաջարկվում է՝
սահմանել, որ ԱԱՀ-ով հարկման օբյեկտ չի համարվում նաև այլ կազմակերպությունների և (կամ) ֆիզիկական անձանց միջոցով (ներգրավմամբ) Հայաստանի Հանրապետության տարածքից դուրս սկսվող և Հայաստանի Հանրապետության տարածքից դուրս ավարտվող բեռների, փոստի և (կամ) ուղևորների փոխադրման կազմակերպման միջնորդական գործունեությունը:
Ընդ որում, նախագծով առաջարկվում է սահմանել նաև, որ նշված կարգավորումն ուժի մեջ է մտնում պաշտոնական հրապարակման օրվան հաջորդող օրը և տարածվում է 2018 թվականի հունվարի 1-ից ծագած հարաբերությունների նկատմամբ էլեկտրական ծխախոտը հարկել ակցիզային հարկով՝ 2023 թվականի ընթացքում՝ 1 միլիլիտրը 55 դրամ դրույքաչափով հավասարեցնել սիդրի և նույն ծածկագրին դասվող այլ՝ համադրելի խմիչքների (գինի, գարեջուր) ակցիզային հարկի դրույքաչափերը և 1 լիտրի համար 270 դրամ դրույքաչափը սահմանել 150 դրամ ճշգրտել որոշ ապրանքատեսակների ԱՏԳ ԱԱ ծածկագրերը՝ դրանք համապատասխանեցնելով ԵՏՀ խորհրդի 2021 թվականի սեպտեմբերի 14-ի թիվ 80 որոշմամբ հաստատված նոր անվանացանկին բույսերի աճեցման համար նախատեսված կոկոսի (հնդընկույզի) մանրաթելի հիմքով սուբստրատների ապրանքների ներմուծումը և օտարումն ազատել ԱԱՀ-ից: Ընդ որում, առաջարկվում է սահմանել, որ ԱԱՀ վճարող համարվող կազմակերպությունների և անհատ ձեռնարկատերերի կողմից այդ ապրանքի ներմուծման մասով ԱԱՀ-ից ազատման արտոնությունը տարածվում է 2018 թվականի հունվարի 1-ից ծագած հարաբերությունների վրա
Նախագծերի փաթեթը դրական եզրակացութուն է ստացել։
