Բրիտանական The Economist ամսագիրը հրապարակել է աշխարհի ամենաթանկ քաղաքների ամենամյա վարկանիշը։ 2022 թվականի վարկանիշը գլխավորել են Նյու Յորքն ու Սինգապուրը։ Միաժամանակ Ռուսաստանի մեգապոլիսները՝ Մոսկվան և Սանկտ Պետերբուրգը, անվանվել են այն քաղաքները, որտեղ կյանքն ամենաշատն է թանկացել։
Վարկանիշը կազմող Economist Intelligence Unit-ը նշում է, որ աշխարհի 172 խոշոր քաղաքներում գները տարվա ընթացքում աճել են 8,1 %-ով։ Նշվում է, որ սա ամենամեծ ցուցանիշն է վերջին 20 տարվա ընթացքում։
Փորձագետները կարծում են, որ այս գնային թռիչքի պատճառը ռուս-ուկրաինական պատերազմը և Չինաստանում «զրոյական Covid» քաղաքականությունը, որով Պեկինը մշտապես լոքդաուններ է մտցնում։ Այս գործոնները «առաջացրել են մատակարարման շղթայի խնդիրներ և փոխարժեքի աճի հետ մեկտեղ՝ հանգեցրել ամբողջ աշխարհում կյանքի արժեքի թանկացման»:
Նյու Յորքն առաջին անգամ գլխավորել է աշխարհի ամենաթանկ քաղաքների վարկանիշը, ինչը պայմանավորված է ԱՄՆ-ում բարձր գնաճով և դոլարի փոխարժեքի աճով: Անցյալ տարի առաջին տեղում էր Թել Ավիվը, իսկ այժմ՝ 3-րդում է։
Աշխարհի ամենաթանկ քաղաքները՝ 2022 թվականին
- Նյու Յորք
- Սինգապուր
- Թել Ավիվ
- Հոնգ կոնգ
- Լոս Անջելես
- Ցյուրիխ
- Ժնև
- Սան Ֆրանցիսկո
- Փարիզ
- Սիդնեյ
Աշխարհի ամենաէժան քաղաքները՝ 2022 թվականին
- Դամասկոս
- Տրիպոլի
- Թեհրան
- Թունիս
- Տաշքենդ
- Կարաչի
- Ալմաթի
- Ահմեդաբադ
- Չենայ
- Ալժիր
