Binance-ը՝ աշխարհի խոշորագույն կրիպտոարժույթների բորսան, գնել է ճապոնական կրիպտոարժույթների փոխանակման ծառայություններ մատուցող ընկերությունը՝ շուկա նորից մուտք գործելու համար։
Սա, ըստ նրանց, «առանցքային դեր» կունենա կրիպտոարժույթների ապագա զարգացման գործում:
Ընկերությունը ձեռք բերեց Sakura Exchange BitCoin-ի 100% բաժնետոմսերը՝ այսպիսով ճապոնական շուկա մուտք գործելով որպես կարգավորվող կազմակերպություն: Գնումը Binance-ին կտա իր առաջին արտոնագիրը Արևելյան Ասիայում: Գործարքի պայմանները, սակայն, դեռ չեն բացահայտվել։
Binance Japan-ի գործադիր տնօրեն Տակեշի Չինոն ասել է, որ ակտիվորեն կաշխատեն կարգավորիչների հետ՝ ապահովելու, որ փոխանակումը զարգանա տեղացի օգտատերերի պահանջներին և օրենքին համապատասխան: Ապա ավելացրել, որ կօգնեն Ճապոնիային կրիպտոարժույթների ոլորտում առաջատար դիրք գրավել:
Ճապոնիայի վարչապետ Ֆումիո Կիսիդայի վերջերս ներկայացրած տնտեսական զարգացման ծրագիրը՝ «Նոր կապիտալիզմ»-ը, ներառում է աջակցություն, այսպես կոչված, web3 ընկերությունների աճին, որոնք, ըստ էության, գործում են բլոկչեյն համակարգի հման վրա:
Բաժանորդագրվեք մեր ալիքին Telegram-ում
