Apple-ի գլխավոր գործընկերը կվճարի բողոքող աշխատակիցներին աշխատանքից ազատվելու համաձայնության համար

1 Min Read

Թայվանական Foxconn ընկերությունը, որը Չինաստանի Չժենչժոու գործարանում լայնածավալ բողոքի ցույցերի է բախվում, հայտարարել է, որ պատրաստ է աշխատողներին վճարել 10 000 յուան ​​(1400 դոլար), եթե նրանք համաձայնեն դուրս գալ աշխատանքից, գրում է Bloomberg-ը։ Foxconn-ը Apple-ի գլխավոր գործընկերն է, որին բաժին է ընկնում iPhone-ի արտադրության 70 %-ը:

Որոշումը նպատակ ունի հանդարտեցնել դժգոհ աշխատակիցներին, ովքեր նոյեմբերի 23-ին զանգվածային բախումներ են կազմակերպել ոստիկանության և գործարանի անվտանգության հետ։ Բացի այդ, $1,400 վճարումը, որն ավելին է Foxconn-ի միջին աշխատավարձից, թույլ կտա այլ մարզերի աշխատակիցներին տուն գնալ: Այսպիսով, ղեկավարությունը ցանկանում է նաև մաքրել ընկերությունը «ապստամբներից» և նոր աշխատակիցներ ընդունել տեղի բնակիչներից։

Հիշեցնենք, Չինաստանի Foxconn-ում անկարգությունները սկսվել են COVID-19-ի նկատմամբ զրոյական հանդուրժողականության քաղաքականության շրջանակներում երկար ժամանակ շարունակվող խիստ սահմանափակումների պատճառով, որոնք, ի թիվս այլ բաների, արգելում են աշխատողներին լքել գործարանը:

Նշենք, որ վերջին իրադարձությունները կարող են բացասաբար ազդել Foxconn գործարանում Apple-ի արտադրանքի թողարկման տեմպերի վրա, որտեղ աշխատում է ավելի քան 200 հազար մարդ: Ամերիկյան ընկերությունն արդեն նախազգուշացրել է, որ նախատոնական չորրորդ եռամսյակում շուկա նախապես պլանավորածից ավելի քիչ նոր iPhone կմատակարարի:

Share This Article
1 Comment