Նոյեմբերի 28-ից «Գազպրոմը» կսկսի կրճատել ռուսական գազի մատակարարումը Մոլդովա Ուկրաինայի տարածքով։
«Գազպրոմ»-ի փոխանցմամբ՝ Ուկրաինայի տարածքով տարանցիկ ճանապարհով Մոլդովա մատակարարվող ռուսական գազի մի մասը մնում է Ուկրաինայում։ Ռուսական ընկերությունը Ուկրաինայում կուտակված ծավալը գնահատել է 52,52 մլն խմ գազ։ Զեկույցում ասվում է, որ եթե տրանզիտային անհավասարակշռությունը պահպանվի, «Գազպրոմը» մտադիր է դադարեցնել գազի մատակարարումը Սուջայի գազի հաշվառման կայան։
«Գազպրոմը» նաև նշել է, որ «Մոլդովագազը» նոյեմբերի 21-ին, պայմանագրի համաձայն, վճարել է նոյեմբեր ամսվա մատակարարումների մի մասը։ Ռուսական գազի փաստացի մատակարարված ծավալը, որի գծով խախտվել է ընթացիկ մատակարարումների դիմաց վճարումը նոյեմբերին, կազմում է 24,945 մլն խմ գազ։
Ավելի վաղ «Գազպրոմը» սպառնացել էր Մոլդովային խզել պայմանագիրը և դադարեցնել գազի մատակարարումը վճարումների հետ կապված խնդիրների պատճառով։
2021 թվականին «Գազպրոմը» և Մոլդովան հինգ տարով երկարաձգեցին ռուսական գազի մատակարարման պայմանագիրը։ Հոկտեմբերին Մոլդովան դժգոհեց մատակարարումների կտրուկ կրճատումից։ «Գազպրոմը», ի պատասխան, հայտարարեց, որ դա պայմանավորված է Ուկրաինայի կողմից գազի տարանցիկ ծավալների մի մասը ընդունելուց հրաժարվելով։
Բաժանորդագրվեք մեր ալիքին Telegram-ում
